Húsráðakver frú Kitschfríðar

Glæsileg bók með húsráðum sem bjarga málunum og gera lífið skemmtilegra. Eldhúsið, þrifinn, garðurinn, þvotturinn, bíllinn - Marta Stjúart hvað? Kitschfríður veit það! Húsráðakver frú Kitschfríðar á heima á öllum betri heimilum enda agalega gagnlegt.



Meðal efnis: Matargerð, bakstur, fullkomin eggjasuða, steiking, sósur, vinnuhagræðing, karlmenn þurfa kjöt, nýtni
Fegrun, húð, hár, mjúkar og kvenlegar hendur, neglur, varir, sparnaðarráð, nælonsokkabuxur, heilsa, höfuðverkur –
Eiginmenn, hversdagsrómantík í boði eiginkonunnar , hrjótandi heimilisfeður – Börn, – Gæludýr, – Garðurinn, – Ferðalög, – Handavinna, – Karlmannsverk, smíðar. málningarvinna, tækni, bílar, meira og betra bensín fyrir aurinn – Þrif, gluggar, ofninn, baðherbergið, skínandi hvítt baðker, gólf, – Þvottur, blettir – Hagsýni, góður innkaupalisti sparar fé, sparnaðarboðorðin níu í matreiðslu, rafmagnssparnaður, fyrir barnafólkið – Jól, jólaskreytingar , forljótar jólagjafir en fagurt bros á vör, laumuaðhaldsráð frú Kitschfríðar, agalega góð áramótaheit

---

Úr inngangi bókarinnar:

Ég hef nú um árabil skrifað húsráðapistla í tímaritið Vikuna við góðan orðstír og hef á þeim tíma komist að því að agaleg fákunnátta og almennt smekkleysi er því miður orðið allsráðandi meðal íslenskra húsmæðra. Þó að greinaskrif undirritaðrar hafi vissulega lagt lóð á vogarskálarnar í menntun og uppfræðslu þessarar stéttar, dugir það skammt þegar lyfta þarf eins gasalegu grettistaki og raun ber vitni. Ekki ætla ég að leggjast í neina flókna samfélagsrýni til að skýra þessa hrikalegu afturför frá því í denn – látum einhverja agalega vel menntaða karlmenn um það, stelpur. Við þurfum að einbeita okkur að því að ná upp færni mæðra okkar og formæðra í húshaldinu og umhirðu fjölskyldunnar.

Kveðja, Kitschfríður.





Smelltu hér til að sjá viðtal Mörtu Maríu
(Smartland Mörtu Maríu á mbl.is) við Kitschfríði