Sjálfsrækt

Þýtt og staðfært: Aðalheiður Ploder. 

Stjórnast líðan þín af streitu og álagi? 1001 heilræði fyrir fólk sem hefur engan tíma til að slaka á! Í bókinni eru stuttir, hvetjandi og uppbyggilegir kaflar sem gott er að grípa til. Bók sem lætur þér líða vel... þú átt það skilið.

Íslensk þýðing: Anna María Hilmarsdóttir

Andleg uppbygging til að grennast í eitt skipti fyrir öll. Lærðu að sættast við sjálfa þig, síðan vigtina, spegilinn og lífið sjálft. Ef þú vilt læra að borða hollari mat og huga betur að eigin líkama eða vilt léttast í eitt skipti fyrir öll, er mögulegt að þessi bók geti hjálpað þér.

Þetta er trúnaðarbréf Hlínar Agnarsdóttur til lesenda. Á opinskáan og einlægan hátt segir hún frá sextán ára sambúð með manni sem glímdi við alkóhólisma öll helstu manndómsárin og dó langt fyrir aldur fram úr krabbameini.

Þessi áhrifaríka saga um meðvirkni var tilnefnd til Íslensku bókmenntaverðlaunanna 2003.

Íslensk þýðing: Þóra Sigríður Ingólfsdóttir

Í bókinni er að finna leiðbeiningar um hvernig hægt er að fá það besta út úr lífinu þrátt fyrir annríki nútímans. Hún er sérstaklega skrifuð fyrir konur og í henni eru sjötíu kaflar sem hver og einn afhjúpar leyndarmál og leiðbeiningar til að finna hina vandfundnu leið til fullnægjandi lífs.

Íslensk þýðing: Sigríður Á. Ásgrímsdóttir

Bók sem kveikir neistann að starfsgleði og vellíðan. Höfundarnir, Stephen C. Lundin, Harry Paul og John Christensen, fengu hugmynd að bókinni þegar þeir kynntust í hinni feikivinsælu fiskbúð Pike Place í Seattle, Kanada. Í bókinni taka þeir á helstu vandamálum í stjórnun og starfsmannahaldi, svo sem starfsleiða og kulnun í starfi, og ýta undir bjartsýni og vinnugleði.

Íslensk þýðing: Ragnheiður Margrét Guðmundsdóttir

Finndu mátt þinn og megin! Fyrri bók Barböru Berger, Skyndibitar fyrir sálina, sló rækilega í gegn og var á metsölulista mánuðum saman. Í þessari bók bregst höfundi ekki bogalistin og bendir á fleiri áhrifaríkar leiðir til að bæta líf sitt og njóta þess til hins ýtrasta.

Valgeir Skagfjörð hjálpar reykingafólki að taka þá stóru ákvörðun að drepa í fyrir fullt og allt. Fyrst ég gat hætt getur þú það líka er persónuleg og áhrifafarík bók fyrir alla þá sem vilja hætta að reykja og eru orðnir langþreyttir á skyndilausnum.

Árni er einkaþjálfari oghefur hjálpað fjölmörgum einstaklingum til að ná frábærum árangri í heilsurækt. Heilsulausnin er aðferð sem heilbrigðisstéttir gefa bestu meðmæli. Reynslusögurnar í bókinni sanna undraverðan árangur. Markmiðin eru raunhæf og rétt eins og einkaþjálfari styður bókin við skjólstæðing sinn, hvetur hann og fræðir.

Höfundur: Svava Jónsdóttir

Í þessari bók er að finna viðtöl við fólk sem hefur orðið fyrir einelti; einnig er talað við gerendur, aðstandendur og fagfólk sem styður við bakið á þeim sem vilja þiggja aðstoð og vinna sig út þeirri miklu vanlíðan sem einelti getur valdið.

Höfundar: Ásrún Eva Harðardóttir og Þórdís Rúnarsdóttir

Hér er athyglisverð umfjöllun og greining á einum banvænasta geðsjúkdómi nútímans. Höfundarnir berjast gegn fordómum og gefa mynd af vandanum eins og hann er í raun og veru. Mest er þó um verð sú von sem þær glæða með lesandanum.

Höfundur: Fredrik Härén

Íslensk þýðing: Haraldur Jónsson

Þetta var góð hugmynd – skrifaðu hana niður! Þessi bók er byggð á þeirri forsendu að góðar hugmyndir fæðist ekki af sjálfu sér; það verður að lokka þær út. Innblástur og brennandi áhugi eru tvær pottþéttar aðferðir til að draga þær fram í dagsljósið.

Bækur Barböru Berger, Skyndibitar fyrir sálina og Fleiri skyndibitar fyrir sálina hafa notið gífurlegra vinsælda um allan heim. Hugmyndafræðin á bak við þær er byggð á tíu andlegum lögmálum sem við getum tileinkað okkur og náð undraverðum árangri á einfaldan hátt.

Guðrún er frumkvöðull í umhverfisvænni ferðaþjónustu og vinnu að vottun fyrirtækja og sveitarfélaga. Í þessari bók hvetur hún konur til að vinna saman og taka upp grænan lífsstíl.

Legend is Fiann's first book combining his photography and writing. It focuses on personal growth and incorporates the experience and inspiration he gained from living and working in the Himalayas.

Allt sem gerist í lífinu löðum við að okkur. Ef við náum að stilla tilveruna og það sem við viljum öðlast á sömu tíðni, getum við kallað til okkar betra líf, andlegt og veraldlegt. Þetta er sjálft Leyndarmálið – það er falið innra með hverjum og einum og möguleikarnir eru endalausir.

Höfundar: Ted Allen, Kyan Douglas, Thom Filicia, Carson Kressley og Jai Rodriguez

Íslensk þýðing: Gísli Rúnar Jónsson

Í þessari skemmtilegu og fróðlegu handbók má finna öll helstu ráð sem strákarnir úr sjónvarpsþáttunum Queer Eye for the Straight Guy veita.

Höfundur: Randy Pausch með aðstoð Jeffrey Zaslow

Þýðandi: Ólöf Pétursdóttir

Þegar Randy Pausch, 46 ára prófessor í tölvunarfræðum við Carnegie Mellon háskóla, var beðinn að tala um faglega vegferð sína hafði hann nýlega fengið að vita að hann ætti aðeins fáa mánuði eftir ólifaða. Útkoman var Síðasti fyrirlesturinn, sem fjallar um mikilvægi þess að stefna að ákveðnu marki.

Þýðandi: Ragnheiður Margrét Guðmundsdóttir

Við erum það sem við hugsum. Hugsanir og orð eru máttug. Við getum breytt lífinu til hins betra með því að þjálfa huga okkar og vanda samskipti við aðra. Þetta er bók um mátt hugans. Í hverjum kafla eru hagnýtar aðferðir til að ná betri tökum á lífinu.

Höfundur: Jónína Leósdóttir

Í Talað út um lífið og tilveruna fjallar Jónína Leósdóttir í léttum dúr um ýmsar hliðar mannlegra samskipta. Hún lýsir aðstæðum sem flest nútímafólk þekkir, segir frá eigin reynslu á hispurslausan hátt og gerir óspart grín að sjálfri sér. Samt er alvara lífsins aldrei langt undan.  

Höfundur: Jack Kornfield

Frábær hljóðbók um andlega iðkun. Höfundurinn hvetur fólk til að fylgja leið hjartans, losa sig við neikvæðar hugsanir og rækta kærleikann. Andlegt líf fjallar ekki um það að vita mikið, heldur elska mikið, segir höfundurinn, Jack Kornfield, sem hvetur fólk til að rækta andann, stunda hugleiðslu og rækta með sér jákvæðar hugsanir.

Höfundur: Masaru Emoto

Eftir áralangar rannsóknir hefur japanski vísindamaðurinn Masaru Emoto fundið út að ekki einungis náttúruöflin hafa áhrif á eiginleika vatnsins heldur líka allt það sem mannfólkið segir og gerir. Emoto byggir tilraunir sínar á myndum sem hann tekur af kristöllum í frosnu vatni við ólíkar aðstæður. Kristallarnir taka sláandi breytingum og styðja þá skoðun að allt líf byggist á mismunandi tíðni bylgjuhreyfinga.