forlag með sál

Valmynd.

Eg skal kveða um eina þig alla mína daga - ástarljóð Páls Ólafssonar

Eg skal kveða um eina þig alla mína daga - ástarljóð Páls Ólafssonar

Þórarinn Hjartarson

Eftir Pál Ólafsson liggur mesta safn ástarljóða nokkurs íslensks skálds. Nú er þessum arfi í fyrsta sinn safnað í eina bók og birtur fjöldi kvæða og vísna sem ekki hafa áður sést á prenti. Þórarinn Hjartarson tók efnið saman. Hann hefur áður fengist við Pál Ólafsson og sýnt fram á að fá skáld, ef nokkur, eru söngrænni en Páll og hann á sinn stað í hjarta þessarar þjóðar.

Harðband

„Mín kvæði eru minn innri maður en engin uppgerðarpóesí,“ skrifaði Páll Ólafsson um kveðskap sinn. Ástarljóðin eru fyrst og síðast skáldleg tilfinningatjáning en í tímaröð mynda þau jafnframt sögu sem einnig er skýrð með stuttum lesköflum. List Páls er borin uppi af eldi hjartans, hröðum æðaslætti og óvenju léttvængjuðum orðum. Kvæðin grípa okkur enn fastari tökum þegar þau, eitt af öðru, svipta hulunni af ástarsögu þeirra Páls og Ragnhildar Björnsdóttur.


Fyrst satt eg ekki segi

Fyrst satt eg ekki segiPáll Ólafsson

svo er best eg þegi

en eg get ekki þagað

af því hjartað dagað

hefur uppi hjá þér

og hleypur aldrei frá þér.

Það að nátttrölli orðið er

ástin mín kær, í faðmi þér.



„Mín kvæði eru minn innri maður en engin uppgerðarpóesí,“

skrifaði Páll Ólafsson um kveðskap sinn.


[Ástríku augun þín]  
Ástríku augun þín
eilífðar stúlkan mín
rændu mig ró.
Ofin með æðum blá
eins hvít og mjöll að sjá
mundin þín mjúk og smá
mig að sér dró.

Hvíldi´ eg við heilagt brjóst,
hjarta þitt fann ég slóst,
mín hjartans mey.
Eftir þann ástarfund
eg man þig hverja stund,
uns sé þig sætan blund
sofna ég ei.



Páll Ólafsson á Wikipedia

Verð 3.990 kr. Netverð 2.990 kr.

Aukaflokkar

Þetta vefsvæði byggir á Eplica