Skemmtilegar bækur fyrir skemmtilegt fólk

Af einskærri sumargleði

3,990 ISK

Höfundur Ómar Ragnarsson

Af einskærri Sumargleði er sannkölluð stemningsbók sem á eftir að gleðja bæði þá sem muna gamla daga og allt áhugafólk um tónlist, bíla, flugvélar og fortíðina. Í henni er fjöldi áður óbirtra mynda, söng og sviðstexta.

Allir þekkja Ómar Ragnarsson; fréttamann, náttúruverndarsinna, rallmeistara og skemmtikraft, sem hefur verið á ferð og flugi um landið áratugum saman til þess að skemmta, fræða og veita alveg nýja sýn á þessa einstöku eyju sem við búum á.

Hér segir Ómar á litríkan og bráðsmellinn hátt frá árum sínum með Sumargleðinni, sem hann stofnaði með Ragnari Bjarnasyni söngvara. Þeir félagar ferðuðust um landið á hverju einasta sumri frá 1971 til 1985 með úrvals tónlistarmönnum, söngvurum og leikurum og héldu uppi söng, gríni og gleði hvar sem þeir komu. Einnig rekur Ómar upphaf ferils síns og segir á lifandi hátt frá skemmtanalífinu á Íslandi áður fyrr; revíunum, héraðsmótunum og ekki síst samferðafólki sínu.