Skemmtilegar bækur fyrir skemmtilegt fólk
Netverð

Draumahöllin

2,990 ISK 1,990 ISK

Höfundur Salka Bókaútgáfa

Súsanna fæddist blind og þrátt fyrir nokkrar skurðaðgerðir í æsku var henni gefin lítil von um bata. Sem barn naut hún þess að hlusta á tónlist og sérstaklega þess að heyra óminn frá Vikbiholm-höllinni þar sem hinn ungi og glæsilegi Edward greifi spilaði listavel á píanó daginn út og inn. – Það var annað en Walter, hinn skapheiti bróðir hans, sem virtist hafa rótgróna andúð á Edward og föður sínum. Mörgum árum síðar, eftir mikið andstreymi, höguðu örlögin því þannig að draumur Súsönnu rættist – hún trúlofaðist Edward. Skömmu síðar gekkst hún undir skurðaðgerð sem að þessu sinni tókst og hún öðlaðist langþráða sjón ... Nú stóð unnusti hennar í dyrum sjúkrastofunnar og í næstu andrá hvíldi hún í faðmi hans og endurgalt heita kossa og ástarorð. Skyndilega stirðnaði hún í örmum hans ... var þetta ekki örugglega Edward? Fleira kemur í ljós. Hvers vegna hafði stjúpmóðir Súsönnu logið til um fjárhag hennar og hver var ökufanturinn sem myrti gamla greifann? Í Draumahöllinni fléttast margir örlagaþræðir, spennan eykst og fátt er eins og það sýnist. Tímarnir breytast ... en ástin er söm við sig ...

Hinn danski ástar- og spennusagnahöfundur, Bodil Forsberg, átti miklum vinsældum að fagna hér á árum áður og voru flestar bóka hans þýddar á íslensku. Draumahöllin er endurútgefin og endurskoðuð.