Ferðataska Hönu

Bókin hefur hlotið gríðarlegar vinsældir og umfjöllun, fengið ótal viðurkenningar og verið þýdd á yfir 30 tungumál. Eftir henni hefur verið gerð bíómynd og sjónvarpsþættir.

Skyndilega hrynur heimur Hönu: Foreldrar hennar eru handteknir og stuttu síðar eru Hana og bróðir hennar aðskilin og sett í fangabúðir. Þaðan áttu fáir afturkvæmt.

Þessi gullfallega saga hjálpar ungum lesendum um allan heim að setja Helförina í sögulegt samhengi og finna samkennd með þeim sem urðu fórnarlömb hennar. Í sögunni endurspeglast hve miklu máli skiptir að hver og einn fái að njóta sín á eigin forsendum.