Skemmtilegar bækur fyrir skemmtilegt fólk

Macramé, hnútar og hengi - gjafaaskja

9,900 ISK

Höfundur Ninna Stefánsdóttir og Íris Dögg Einarsdóttir

Hér er á ferðinni falleg gjafaaskja sem inniheldur allt sem þarf til að gera fallegt blóma- eða vegghengi úr bókinni Macramé, hnútar og hengi. Í settinu er bókin Macramé, hnútar og hengi, Bobbiny Premium 50 metra natural bómullargarn, viðarstöng, viðarkúlur og -hringir. 

Macramé er einföld, falleg og skemmtileg handavinna sem allir geta lært og notað til að fegra heimili sín.  Það eina sem þarf er áhugi, iðnar hendur, kaðlar og skæri. Í þessari bók er farið yfir undirstöðuhnúta í macramé og sýnt skref fyrir skref hvernig hægt er að hnýta glæsileg vegghengi og dásamleg blómahengi. Einnig er farið í gegnum grunnatriði náttúrulegrar jurtalitunar og veglegur hugmyndakafli gefur innblástur að fjölmörgum macramé-verkefnum.

Í Macramé, hnútar og hengi láta Ninna Stefánsdóttir og Íris Dögg Einarsdóttir ljós sitt skína þar sem Ninna hnýtir hvert hengið af öðru af eindæma ástríðu og Íris fangar verkefnin á undurfallegar ljósmyndir sem prýða bókina. Teikningar af hnútum voru í höndum Rakelar Tómasdóttur sem einnig braut bókina um og hannaði kápu.