Óðhalaringla

Óðahalaringla er skrýtin og skemmtileg furðuskepna sem lítur dagsins ljós þegar saman koma þrjár kostulegar kvæðabækur Þórarins Eldjárn með frábærum myndskreytingum Sigrúnar systur hans: Óðfluga, Heimskringla og Halastjarna.

Í Óðhalaringlu eru svo sannarlega höfð endaskipti á tilverunni og eitt og annað verður óðhalaringlað svo um munar; bílar verða sófasett á hjólum, brunahani er á strigaskóm og beljur svífa á svelli í skautadansi svo eitthvað sé nefnt.

Óðhalaringla er kvæðabók sem allir unnendur frumlegrar og skemmtilegrar ljóðagerðar munu gleðjast yfir.