Skemmtilegar bækur fyrir skemmtilegt fólk

Vertu þú! FORSALA

3,990 ISK

Höfundur Ingileif Friðriksdóttir og María Rut Kristinsdóttir

FORSALA OG ÁRITUÐ EINTÖK!

Bókin Vertu þú! Litríkar sögur af fjölbreytileikanum kemur út föstudaginn 23. október en hér er hægt að tryggja sér bókina í forsölu og fá hana senda heim, í póstbox eða á pósthús. Höfundarnir, Ingileif og María Rut, árita öll eintök sem keypt eru í forsölu. Hægt er að biðja um sérstaka kveðju í 'athugasemdum' þegar gengið er frá pöntun. Ef ekki er valin sérstök kveðja er bókin árituð með almennum hætti þannig að hún henti öllum! Bækur sem keyptar eru í forsölu verða sendar til kaupenda um leið og bókin kemur á lager.

Um bókina: 

Hvað er það sem gerir mig að mér? Hvað er það sem gerir þig að þér?

Öll erum við einstök á okkar hátt. Við eigum öll rétt á að vera nákvæmlega eins og við erum. 

Það skiptir ekki máli hverju við klæðumst, hverjum við verðum skotin í, hvaða kyni við upplifum okkur í, hvaðan við erum eða hverju við höfum áhuga á. Við megum öll vera eins og okkur langar til.

Vertu þú! segir litríkar sögur af fjölbreytileikanum og hvetur til fordómaleysis og víðsýni. Höfundar bókarinnar eru Ingileif Friðriksdóttir og María Rut Kristinsdóttir sem halda úti fræðsluvettvanginum Hinseginleikinn. Bókina prýða fallegar myndir Öldu Lilju Hrannardóttur.

Hér má lesa viðtal við Ingileifu og Maríu um tilurð bókarinnar og hugmyndina á bakvið hana.