Fréttir

Enn er tækifæri til að panta bækur úr vefverslun og fá þær sendar fyrir jól! Hér má lista yfir hvenær eru síðustu forvöð til að panta svo að bækurnar verði afhentar í tæka tíð fyrir jól. Við mælum með að velja afhendingu í póstboxi. 

Stórhöfuðborgarsvæðið, Selfoss, Akranes, Borgarnes og Keflavík: fyrir hádegi 23. desember

Aðrir landshlutar: fyrir hádegi 22. desember

Sjá nánar á heimasíðu póstsins

Í aðdraganda jólanna lengjum við opnunartímann og bjóðum happy hour á bókabarnum alla daga, allan daginn! Við pökkum inn og setjum merkimiða á pakkana, verið hjartanlega velkomin!

18.-22. desember - opið frá 11-22

Þorláksmessa 23. desember - opið frá 11-23

Aðfangadagur 24. desember - opið frá 11-13

Lokað er 25., 26. og 31. desember. 

Dagana 25. og 26. nóvember verður bókahátíð í Hörpu þar sem útgefendur og höfundar kynna með stolti bækur ársins fyrir gestum og gangandi. Salka og höfundar hennar verða að sjálfsögðu á staðnum, Sólveig Pálsdóttir og Valur Gunnarsson lesa upp úr Miðlinum og Stríðsbjörmum, Ingileif Friðriksdóttir, María Rut Kristinsdóttir og Annie Mist Þórisdóttir lesa upp úr Úlf og Ylfu og Hver er leiðin? í barnahorninu. 

Á bás Sölku verður svo hægt að læra tarot-lestur og -lagnir og Elsa Harðardóttir kemur til okkar og kennir okkur að hekla fallegar jólakúlur. Að sjálfsögðu verða allar bækur ársins til sölu á góðum kjörum og aldrei að vita nema við bjóðum upp á gotterí. Opið er frá 11-17 báða dagana.

Við hlökkum til að sjá ykkur í stuði!

Elsa Harðardóttir er forfallinn heklari og uppskriftir eftir hana hafa meðal annars birst í erlendum handavinnutímaritum. Hún þróaði uppskriftirnar og hugmyndirnar í bókinni í samstarfi við dóttur sína. 

Við fögnum útgáfunni í bókabúð Sölku fimmtudaginn 23. nóvember kl. 17.