Í bókinni birtast greinar eftir hóp fræðimanna sem fjalla um eigur fólks á Íslandi á 18. og 19. öld. Til grundvallar liggja ólíkar gerðir munasafna, annars vegar gripir varðveittir á Þjóðminjasafni Íslands og hins vegar dánarbúsuppskriftir rúmlega 30 þúsund íslendinga, varðveittar á Þjóðskjalasafni Íslands. Þessi tvö gripasöfn eru til skoðunar í verkinu auk þess sem fjallað er um eðli safna almennt og þekkingarsköpun og miðlun þeirra með margvíslegu móti. Hvað átti fólk af ólíkum stigum samfélagsins og á mismunandi aldri? Hvaðan komu þeir hlutir sem fólk átti og hvað varð um þá þegar það lést? Hvernig endurspegla þessi tvö söfn efnislegar eigur fólks á fyrri tímum? Rötuðu hversdagslegir gripir sem eru uppistaðan í dánarbúsuppskriftum inn á Þjóðminjasafn Íslands? Á hvaða upplýsingum byggist hinn svonefndi ,,menningararfur" sem hampað er við hátíðleg tækifæri?
Deila
Þú skoðaðir líka
Sendum frítt í póstbox ef verslað er fyrir 10.000 kr. eða meira!
