Skemmtilegar bækur fyrir skemmtilegt fólk

Engin sóun - fyrirlestur og bók

4,990 ISK

Höfundur Bea Johnson

Gefðu upplifun og bók í jólagjöf!

Þann 5. janúar 2020 kemur bókin Engin sóun - leiðarvísir að einfaldara, sorplausu heimili eftir Bea Johnson út í íslenskri þýðingu Þóru Margrétar Þorgeirsdóttur. Í tilefni þess mun Bea Johnson koma til landsins og halda fyrirlestur í Veröld, húsi Vigdísar. Þeir sem kaupa gjafabréf þetta fá aðgang að fyrirlestrinum og bókina á staðnum.

Bea Johnson hefur fengið frábærar viðtökur við fyrirlestrum sínum um enga sóun og saga hennar er einstaklega hvetjandi og jákvæð. Hún er sannkölluð drottning zero waste-fræðanna!

Fyrirlesturinn fer fram 5. janúar kl. 20.00 (húsið opnar 19.30) í Veröld, húsi Vigdísar. 

Langflest viljum við tileinka okkur vistvænni lífsstíl. Sorplaust líf er hugmyndafræði sem miðar að því að forðast alla sorpmyndun og sóun eins og frekast er mögulegt. Þessi bók býður upp á hagnýtar, þrautreyndar lausnir til að lifa innihaldsríkara, heilbrigðara og einfaldara lífi með sjálfbærum, sorplausum leiðum sem eru nú þegar fyrir hendi. Það er hægt með því að fylgja einföldu kerfi í þessari röð: Afþakka það sem við þurfum ekki, draga úr því sem við þurfum, endurnýta það sem við notum, endurvinna það sem við getum ekki afþakkað, dregið úr eða endurnýtt og jarðgera afganginn.

Sorplaust líf er draumamarkmið, gulrót sem maður vill komast eins nærri og mögulegt er. Við höfum vald til að breyta heiminum á jákvæðan hátt með daglegum ákvörðunum okkar og gjörðum. Bjartari framtíð byrjar heima fyrir. Verið velkomin á hið sorplausa heimili!