Paddington

Sögurnar um bangsann Paddington hafa skemmt börnum um allan heim í meira en sextíu ár.

Í þessari bók er upprunalega sagan um litla skógarbjörninn úr frumskógum Perú í glæsilegri útgáfu, líflega myndskreytt.

Paddington var laumafarþegi á skipi til Englands og kom á Paddington-brautarstöðina í London með litla ferðatösku, hálftóma krukku með marmelaði og miða um hálsinn sem á stóð:

„Vinsamlega passið þennan björn. Kærar þakkir.“

„Ég hef alltaf borið djúpa virðingu fyrir Paddington ... Hann er bresk þjóðargersemi.“ 
–Stephen Fry