Skemmtilegar bækur fyrir skemmtilegt fólk

Á vori lífsins - Minningar

7,490 ISK

Höfundur Guðfinna Ragnarsdóttir

„Mig langar með þessari bók að deila minningunum með mínu samferðafólki, lýsa lífinu, fjölskyldunni, fólkinu mínu, vinunum, sumarvinnunni, sveitinni, áhugamálunum, ljóðunum, skólanum, menntaskólaárunum, ástarmálunum og þeirri gleði og sorg sem lífið býður upp á – á vori lífsins.

Svo kemst Guðfinna Ragnarsdóttir að orði í upphafi þessarar skemmtilegu og fróðlegu bókar.

Guðfinna fæddist í hinu fræga Tobbukoti við Skólavörðustíg og ól bernskuár sín þar en fluttist fjögurra ára gömul í Laugarneshverfið sem þá var í örum vexti. Hún lýsir með lifandi hætti æskuárum sínum á Hofteignum, fjörmiklum ungdómsárum í menntaskóla – og bregður upp eftirminnilegum myndum af mannlífi á Íslandi upp úr miðri síðustu öld.

Guðfinna Ragnarsdóttir er jarðfræðingur frá Stokkhólmsháskóla og blaðamaður frá Journalisthögskolan í Stokkhólmi. Hún kenndi við Menntaskólann í Reykjavík í nær þrjá áratugi og hefur verið ritstjóri Fréttabréfs Ættfræðifélagsins í tuttugu ár. Hún hefur áður sent frá sér bókina Sagnaþætti Guðfinnu þar sem hún lýsir lífi alþýðufólks víða um land.