📚 Hægt er að sækja í búðina eða fá vörurnar sendar heim.
🚚 Sendum frítt í póstbox ef pantað er fyrir meira en 10.000 kr.
Er ástæða til að leiðrétta heillandi konu sem heldur að maður sé Magnús Tumi jarðeðlisfræðingur? Hvað gerist þegar sóprandíva í kirkjukór gerist talibani tónlistarinnar? Hvernig þekkti jólasveinninn litla héraskinnið í kvæðinu? Óvenjulegt og bráðskemmtilegt sagnasafn.
Hvernig stendur á því að Mannsi í Hvammi heldur sinni engilbjörtu sópranrödd?
Í þessu óvenjulega og bráðskemmtilega sagnasafni stíga fram ýmsar óvæntar persónur, sumar kunnuglegar, og kveða sér hljóðs. Beinskeytt írónía er gegnumgangandi og kemur oft flatt upp á lesanda, því höfundur er fundvís á grátbroslegar aðstæður og mannlega veikleika.
Þórunn Guðmundsdóttir hefur lengst af starfað sem söngkona og tónlistarkennari. Hún hefur skrifað fjölmörg leikrit og söngleiki auk þess sem sönglög hennar hafa verið prentuð. Á undanförnum árum hefur hún getið sér gott orð sem höfundur ópera sem hafa verið fluttar af sviðslistahópunum Animato og Hnoðra í norðri.
