Skemmtilegar bækur fyrir skemmtilegt fólk
Netverð

Frábær eftir fertugt

4,990 ISK 2,990 ISK

Höfundur Jóna Ósk Pétursdóttir

Í bókinni Frábær eftir fertugt fjallar Jóna Ósk Pétursdóttir á opinskáan hátt um líkamlega og andlega heilsu kvenna á breytingaskeiði. Sumar konur fara létt í gegnum þetta tímabil en aðrar finna fyrir töluverðum óþægindum. Umfjöllunarefnin eru eins og við má búast fjölmörg; hormónabreytingarnar, kynlíf, sambönd og félagsleg tabú, útlit og fatastíll, umhirða húðar – svo fátt eitt sé nefnt. Umræða um æviskeið kvenna eftir fertugt einkennist oft af fordómum en það er mikilvægt fyrir konur að vera vel upplýstar og viðbúnar því að taka á móti þeim breytingum sem verða þá óhjákvæmilega. Við ráðum miklu um líðan okkar og heilsufar á þessum aldri eins og þessi gagnlega og tímabæra bók bendir á. Þessi bók er ómissandi fyrir konur sem eru að nálgast fertugsaldurinn. Það er svo gott að vita að maður er ekkert afbrigðilegur þótt maður upplifi nýjan takt hjá sér í hvaða mynd sem er - þegar breytingar verða á líkamanum spyr maður sig gjarnan hvort hitt eða þetta sé eðlilegt og þá er frábært að eiga svona bók.

"Í raun er þetta eins og að eiga 5 árum eldri vinkonu sem upplýsir mann hvað sé framundan hjá okkur konum."

Svava Johansen, (eigandi NTC).

 

"Frábær eftir fertugt er bók sem fyrir löngu hefði átt að vera komin út á íslenska tungu og mun líklega nýtast vel konum og fjölskyldum þeirra."

Ebba Margrét Magnúsdóttir, kvensjúkdóma- og fæðingarlæknir.

 

"Látum ekki vellíðan okkar og heilsu mæta afgangi. Þessa bók ætti hver kona að lesa fyrr en seinna."

Sirrý, Rás 2.

 

"Mjög góð bók og ætti að vera til hjá hverri konu og á hverju heimili. Handhæg, falleg og með góðu innihaldi."

Katrín Olga Jóhannesdóttir, stjórnarformaður já.is og viðskiptafræðingur ársins 2012.

 

Höfundurinn, Jóna Ósk, hefur alla tíð haft mikinn áhuga á hvers kyns handbókum sem hún hefur stuðst við í gegnum lífið. Hún er fædd og uppalin í Reykjavík en hefur auk þess búið í Vestmannaeyjum og Barcelona á Spáni. Jóna Ósk er með BA-próf í spænsku og rómönskum málum og MA-próf í hagnýtri ritstjórn og útgáfu. Hún hefur meðal annars fengist við greinaskrif í tímarit, fararstjórn, verslunarrekstur og uppeldi þriggja sona.