Helgi skoðar heiminn

Helgi skoðar heiminn, hin ástsæla barnabók eftir Njörð P. Njarðvík rithöfund og Halldór Pétursson myndlistarmann hefur verið endurútgefin.

Fáar íslenskar barnabækur hafa notið meiri hylli en Helgi skoðar heiminn og bókin á ekki síður erindi til æskunnar í dag en fyrir 34 árum. Boðskapur bókarinnar er virðing fyrir lífinu og náttúrunni. Myndir Halldórs Péturssonar þekkja allir og snilld hans nýtur sín til fulls í þessari bók.