Keflavíkursögur

Tíminn líður ekki í eilífðinni, þar verður tillitslaust afl hans að engu. 

Tvö þorp – austast og vestast í pólitíkinni en einnig á landakortinu. Hér er sögð ættarsaga sem teygir sig frá Norðfirði forðum til Keflavíkur dagsins í dag með viðkomu á Miðnesheiðinni. Þetta er saga fólks sem elskar og þjáist, sem leitar og flýr, um sársauka og söknuð, ofbeldi og kvótalaust haf. 

Keflavíkursögur geymir verðlaunaskáldsögurnar Fiskarnir hafa enga fætur (2013) og Eitthvað á stærð við alheiminn (2015) í einni bók. Jón Kalman hefur sent frá sér fimmtán skáldsögur, síðast Himintungl yfir heimsins ystu brún (2024). Bækur hans hafa verið þýddar á yfir 30 tungumál.

★ ★ ★ ★ ★ ★ 

„Meistaraverk ... Ef orð geta breytt heiminum, þá hefur það tekist hér.“

Jyllands-Posten