📚 Hægt er að sækja í búðina eða fá vörurnar sendar heim 🚚 Áætlaður afhendingartími er 1 - 3 virkir dagar
Á Grand Hôtel í hjarta Stokkhólms fléttast saman líf, draumar og örlög kvenna sem neita að láta sér segjast þegar kemur að því að taka pláss.
1901. Hótelið stendur á tímamótum – og það gera konurnar sem þar starfa líka. Þær eiga allar sína ólíku fortíð en eiga það sameiginlegt að vilja skapa sér framtíð í heimi sem er ekki endilega tilbúinn að gefa þeim tækifæri. Hin unga Ottilia fær starf á hótelinu og skilur fjölskyldu sína eftir í sveitinni full vonar um nýtt líf. En á bak við glæsileikann og lúxusinn reynist grimmur veruleiki: hótelið er gjaldþrota. Til að snúa stöðunni við er Wilhelmina Skogh skipuð framkvæmdastjóri. Þegar karlarnir á hótelinu gera uppreisn gegn nýja yfirmanninum bregður Wilhelmina á það ráð að velja saman hóp kvenna til að halda hótelinu opnu. Saman takast þær á við ástir, svik og samfélagslegar skorður en þegar leyndarmál fortíðarinnar koma upp á yfirborðið reynir á traustið og hverju þær eru tilbúnar að fórna.
Kvenskörungar á Grand Hôtel er fyrsta bókin í grípandi og rómantískum bókaflokki Ruth Kvarnström-Jones sem hefur farið sigurför um öll Norðurlönd og víða í Evrópu.
Valgerður Bjarnadóttir þýddi
Deila
Af hverju Salka?
Salka er sjálfstæð bókabúð í Reykjavík með handvaldar bækur, persónulega þjónustu og huggulega stemningu. Í verslun okkar á Hverfisgötu er bar og við sendum bækur heim að dyrum.
Þú skoðaðir líka
Sendum frítt í póstbox ef verslað er fyrir 10.000 kr. eða meira!
