Lesið með Lubba: Lubbi á Árbæjarsafni

Lubbi er á Árbæjarsafni ásamt öðrum íslenskum fjárhundum. Boli fær ekki að fara inn á safnið. Hann hefur hvorki sperrt eyru né hringað, loðið skott en Lubbi kann ráð við því!

Í bókinni Lubbi á Árbæjarsafni er leitast við að hafa hljóðin sýnileg og táknrænar hreyfingar þeirra prýða síðurnar. Vonast er til að táknrænuhreyfingarnar styðji við umskráningu og lestrartileinkun en þeim er ætlað að vera brú á milli málhljóða og bókstafa.

Bókin er unnin í tengslum við Verkefnabækur Lubba eftir talmeinafræðingana Eyrúnu Ísfold Gísladóttur og Þóru Másdóttur. Í hverri verkefnabók eru 11–12 málhljóð kynnt til sögunnar og verkefni unnin í tengslum við þau.