„Allt rann saman: sagan, hugleiðingar, persónur og stíllinn, þannig að lesandanum fannst hann vera að upplifa eitthvað alveg nýtt. Það var þetta sem Eiríkur reyndi í sínum verkum. Hann var ekki að reyna að segja sögu; heldur að ölva heiminn með skáldskap.“
Úr eftirmála Jóns Kalmans Stefánssonar
Bréfritari er staddur í Lissabon og vildi að María væri þar með sér, að horfa yfir tígulsteinsþökin og á skipin sem sigla um ána Tagus. Hann sér henni bregða fyrir á götum borgarinnar, sólin er svo heit, og púrtvínið kallar fram undarlegustu myndir. Í löngu bréfi til Maríu skrifar hann um allt sem sækir á hugann, leiftur úr bókmenntum og mannkynssögunni og það sem verður á vegi ferðalangs á framandi slóðum.
Eiríkur Guðmundsson lést í ágúst árið 2022, 52 ára gamall. Meðal þess sem hann skildi eftir sig voru nokkur handrit. Það eina sem var fullbúið var bréfaskáldsagan Maríuklefinn, sem kemur fyrst út núna, fjórum árum eftir andlát höfundar.
Um höfund:
Eiríkur Guðmundsson (f. 1969, d. 2022) var landskunnur þáttastjórnandi á Rás 1 og rithöfundur, búsettur í Reykjavík. Fyrsta skáldsaga hans, 39 þrep á leið til glötunar, kom út árið 2004 og síðar sendi hann frá sér hann skáldsögurnar Undir himninum, Sýrópsmáninn, 1983 og Ritgerð mín um sársaukann. Samhliða skrifaði Eiríkur ljóð, tímaritsgreinar, ritdóma, fræðibækur og útvarpspistla. Hann var tilnefndur til Íslensku bókmenntaverðlaunanna fyrir skáldsöguna 1983.
