Ókyrrð - leikrit

Ókyrrð er gamanleikur um háska í háloftunum. Leikritið gerist í flugvél á tímum heimsfaraldurs og hverfist um fjórar persónur sem allar stefna í ólíkar áttir.

Það er ókyrrð í lofti í þessu ærslafulla verki sem fjallar um þrána eftir jafnvægi í óstöðugleikanum og óuppfylltar óskir um að hafa stjórn á eigin tilveru, í heimi þar sem ekkert lætur að stjórn.

„Eitt af mínum uppáhalds uppáhalds leikritum.“
-Tyrfingur Tyrfingsson

Verðlaunaskáldið Brynja Hjálmsdóttir vakti mikla athygli fyrir ljóðabækurnar Okfruman (2019) og Kona lítur við (2021). Hún hefur verið tilnefnd til Fjöruverðlauna og Maístjörnunnar og hlaut Ljóðstaf Jóns úr Vör 2022.