Skemmtilegu dýrin sem eru ægileg en líka hlægileg

Mennirnir eru skemmtilegir en dýrin eru ennþá skemmtilegri! Það er að minnsta kosti skoðun þeirra feðgina Veru og Illuga sem skín í gegn í þessari forvitnilegu bók um fjölbreytilegan hóp dýra sem eru alls staðar í kringum okkur. Þetta er bók fyrir dýravini á öllum aldri, stútfull af myndum, fróðleik og skemmtilegum sögum af dýrunum.

Allt frá kunnuglegum dýrum eins og köttum, hundum og hestum til sannkallaðra furðudýra sem við sjáum kannski ekki oft en verðum að kynnast! Eftir furðufuglana Veru Illugadóttur og Illuga Jökulsson