Skemmtilegar bækur fyrir skemmtilegt fólk

Sundkýrin Sæunn

3,990 ISK

Höfundur Eyþór Jóvinsson, Freydís Kristjánsdóttir

Getur verið að saga af kú sem strýkur úr sláturhúsinu, hleypur í átt að sjónum og syndir yfir heilan fjörð til þess að eygja framhaldslíf, sé kannski aðeins of mikið fyrir barnabók? Ekki endilega og hvað þá ef sagan er sönn?! Það er nefnilega oft sagt að raunveruleikinn sé ótrúlegri en hvaða skáldskapur.

Sagan af kúnni sem bjó á bóndabæ í Önundarfirði er nefnilega dagsönn. Þegar bóndinn gekk brúnaþungur einn dag um fjósið og valdi nokkrar af hans kúm til að senda í sláturhús, þá varð söguhetjan okkar ein af þeim sem teymdar voru upp á vörubíl og lögðu af stað í sláturhúsið á Flateyri. Hún var þó ekki alveg á því að þetta ætti að enda svona. Nú var að hrökkva eða stökkva!

Þessari stórmerkilegu og ótrúlegu sögu af sundkúnni Sæunni hefur nú verið komið fyrir á bók. Söguna skráir Eyþór Jóvinsson bóksali á Flateyri og bókina prýðir fjöldi afar glæsilegra litmynda eftir Freydísi Kristjánsdóttur sem gæðir söguna lífi.