Svefngengillinn

Lögreglan svarar neyðarkalli um að verið sé að fremja glæp á tjaldstæði Bredäng, rétt utan við Stokkhólm. Í hjólhýsi á staðnum blasir við þeim hryllileg sjón: Maður hefur verið myrtur með exi og limlestur af ólýsanlegri grimmd. Í næsta herbergi sefur hinn 17 ára gamli Hugo Sand á gólfinu. Hann þjáist af skelfilegum martröðum, gengur í svefni – og segist ekki hafa hugmynd um hvað átti sér stað í hjólhýsinu þessa nótt. Er Hugo gerandi, vitni eða blóraböggull morðingjans? Lögregluforinginn Joona Linna leitar til dáleiðara í von um að komast að því.

Lars Kepler er hér í banastuði, frásögnin er grípandi og hröð og vendingar ófyrirsjáanlegar. Svefngengillinn var mest selda bókin í Svíþjóð árið 2024 og bækurnar um Joona Linna hafa selst í meira en 20 milljónum eintaka um víða veröld.

Hilmar Helgu- og Hilmarsson þýddi.