Þau sem gleymast á sunnudögum

Þau sem gleymast á sunnudögum er angurvær saga um ást, sorg og fortíð sem virðist aldrei alveg vera liðin. Sannkölluð veisla fyrir aðdáendur fyrri bókar Valérie Perrin, Vatn á blómin.

Um bókina

Justine hefur búið hjá ömmu sinni og afa síðan foreldrar hennar létust í bílslysi. Þau eiga heima í litlum bæ í Frakklandi og Justine unnir hag sínum þar vel. Hún er ánægð í starfi á elliheimili bæjarins og  nýtur þess að hlusta á sögur gamla fólksins. Þannig tengist hún Hélène Hel, næstum hundrað ára gamalli konu sem lætur sig dreyma um löngu liðinn tíma. Justine ákveður að skrifa sögu Hélène og ekki síst til að gera átakanlegum minningum hennar úr seinni heimsstyrjöld skil. Það færir henni kjark til að takast á við eigin fortíð og óuppgerð mál sem þar leynast.