Völvur á Íslandi

Frá elstu tímum eru til sagnir um konur, sem vissu lengra nefi sínu. Þekktastar eru tvímælalaust völvurnar. Þær nutu mikillar virðingar, stundum reyndar óttablandinnar, enda voru þær á mörkum tveggja heima og höfðu vitneskju um það, sem flestum ððrum var hulið. Sumum þeirra fylgja magnaðar sögur og þær finnur þú í þessari einstöku bók.

Rannsóknir benda til, að þær íslensku völvurnar hafi flestar verið öðruvísi en aðrar, það er að segja búandi konur, en hinar farið um á milli bæja og þá gjarnan haft með sér fylgdarlið. Í þessari bók er saga þeirra allra rakin, allt frá öndverðu og til nútímans.

Fornleifafræðingar hafa á undanförnum þremur áratugum verið að finna eitt og annað í gömlum kumlum, bæði hér á landi og erlendis, sumum ríkulega búnum, sem þykir benda til, að þau geymi einmitt jarðneskar leifar þessara sjáenda, og á Íslandi eru til heimildir um rúmlega 60 völvuleiði. Í bókinni má finna myndir af þeim og auðvitað fylgja sögurnar með - hreint út sagt magnaðar.