Næturheimsókn

Jökull Jakobsson var eitt fremsta og vinsælasta leikskáld landsins á sjöunda og áttunda áratug tuttugustu aldar og ástsæll útvarpsmaður. Ferilinn hóf hann hins vegar sem sagnaskáld og árið 1962 sendi hann frá sér smásagnakverið Næturheimsókn sem hafði að geyma sex af hans bestu sögum.

Jökull lést langt fyrir aldur fram en hefði orðið níræður þann 14. september 2023. Af því tilefni kemur bókin út í nýrri útgáfu. Sögurnar gefa glögga innsýn í íslenskt samfélag á mótunarskeiði; þegar alþjóðlegir vindar léku um landið með tilheyrandi umbreytingum og tryllingi í dægurlífi og menningu.