Skemmtilegar bækur fyrir skemmtilegt fólk
Ég er Malala komin úr endurprentun

Ég er Malala komin úr endurprentun

Ég er Malala seldist upp fyrir jól en er nú komin úr endurprentun. Bókin er fáanleg á vef okkar og einnig í bókaverslunum víða um land. 

Ein mikilvægasta bók 21. aldarinnar.

Þegar talíbanarnir náðu völdum í Swat-dalnum í Pakistan neitaði Malala Yousafzai að láta þagga niður í sér og barðist fyrir skólagöngu stúlkna. Í október 2012 var hún nærri búin að gjalda fyrir það með lífi sínu. Hún var skotin í höfuðið á leið heim úr skólanum og fáir hugðu henni líf. En bati Malölu var upphafið á ótrúlegu ferðalagi frá afskekktum dal í norður Pakistan til salarkynna Sameinuðu þjóðanna í New York. Þegar hún var sextán ára gömul var hún orðin táknmynd friðsamlegra mótmæla um allan heim. Ári síðar varð Malala yngst allra til að hljóta Friðarverðlaun Nóbels og hún hefur haldið áfram baráttunni fyrir jöfnum rétti til menntunar allar götur síðan.

Ég er Malala sannfærir lesendur um að rödd einnar manneskju geti breytt heiminum.

Hér er hægt að kaupa bókina.

 

28. febrúar 2018 eftir Dögg Hjaltalín
Framúrskarandi dætur - Staða kvenna í Mið-Austurlöndum

Framúrskarandi dætur - Staða kvenna í Mið-Austurlöndum

Líf margra kvenna í Mið-Austurlöndum hefur breyst á undanförnum árum og fjöldi kvenna berst fyrir auknum réttindum. Staða þessara kvenna er til umfjöllunar í bókinni Framúrskarandi dætur sem nýlega kom út hjá Sölku.

Í tilefni útgáfu bókarinnar verður málþing um stöðu kvenna í Mið-Austurlöndum þann 16. maí kl.12:00 í Veröld, húsi Vigdísar. Frummælendur verða Ingibjörg Sólrún Gísladóttir, Guðrún Margrét Guðmundsdóttir og Þórir Jónsson Hraundal en þau hafa öll yfirgripsmikla þekkingu á málefnum Mið-Austurlanda.