Kristján Steingrímur - Fyrir handan liti og form

Kristján Steingrímur hefur um árabil unnið með liti gerða úr jarðefnum. Þau eru sótt til staða á jörðinni sem eru eða hafa verið manninum mikilvægir. Með þessum sérhæfðu litum málar Kristján litafleti á striga eða pappír, og vinnur líka með víðsjá teikningar af ögnum úr jarðvegi, stækkar þær upp og gerir þær sýnilegar. Hann lítur á málverkin í senn sem hlutbundið brot af stað og humyndum stað. Þau eru efnisleg staðfesting á tilveru staðar og áminning um að staðirnir eru jafnframt huglægir og háðir upplifnum. Líf á jörðinni endar sem jarðvegur og hann verður því nokkurs konar gagnagrunnur um tilvistina. Þannig skráir tíminn söguna í efnið, og um leið atferli mannsins og samband hans við náttúruna.

Kristján Steingrímur lærði myndlist hér heima og í Þýskalandi, og hefur eftir heimkomuna 1987 starfað að myndlist og að málefnum myndlistar.