Rækjuvík

Tilnefnd til Íslensku bókmenntaverðlaunanna 2025!

Eftir langan, dimman vetur og vægast sagt glatað vor, er sólin loksins mætt til Reykjavíkur. Tvíburasystkinin Inga og Baldur eru komin í sumarfrí með öllu sem því fylgir og líka ýmsu óvæntu, eins og björgunarleiðangri fyrir úthafsrækju. Það er einmitt í þeim leiðangri sem forvitni þeirra er vakin þegar þau finna dularfullt flöskuskeyti sem marar í hálfu kafi í sjónum nálægt heimili þeirra. Þau ákveða að rannsaka málið á sinn einstaka hátt og ævintýri hversdagsins hefjast! 

Bókinni fylgja alls konar aukahlutir því að það er svo skemmtilegt. Kíktu í vasann aftast í bókinni!

Rækjuvík er bráðskemmtileg, fyndin og fjörug bók um systkini sem eru jafn ólík og dagur og nótt. Hún er sjálfstætt framhald Grísafjarðar og Héragerðis. Lóa Hlín hefur hlotið Barnabókaverðlaun Reykjavíkurborgar, verið tilnefnd til Íslensku bókmenntaverðlaunanna, Fjöruverðlaunanna, Barnabókaverðlauna Norðurlandaráðs og Vestnorrænu barnabókaverðlaunanna. Bækur hennar hafa verið valdar bækur ársins af bóksölum landsins og Morgunblaðinu.

Í umsögn dómnefndar Íslensku bókmenntaverðlaunanna segir: 

Fyndin og ómótstæðilega falleg hversdagssaga með skrautlegum, hlýjum og eftirminnilegum persónum. Lesendur eiga vafalaust eftir að njóta sögunnar en einnig vönduðum frágangi bókarinnar, sem býður upp á áframhaldandi skemmtun jafnvel eftir að lestri lýkur.