Skemmtilegar bækur fyrir skemmtilegt fólk
Kökubókin sem enginn má láta framhjá sér fara

Kökubókin sem enginn má láta framhjá sér fara

Kökugleði Evu hefur að geyma uppskriftir að rúmlega 80 ljúffengum kökum af öllum stærðum og gerðum. Í þessari girnilegu bók má finna kökur fyrir öll tilefni, allt frá smábitakökum að brúðartertum. Öruggt er að veisluborðin munu hreinlega svigna hjá eigendum bókarinnar! Eva Laufey er annálaður sælkeri og mikil kökukerling, eins og hún orðar það sjálf. Uppskriftirnar í bókinni eru fjölbreyttar, afar aðgengilegar og það er á allra færi að töfra fram dýrðlegu kræsingarnar í henni. Bókina prýða glæsilegar ljósmyndir eftir Karl Petersson.
2. nóvember 2016 eftir Dögg Hjaltalín
Kökugleði Evu væntanleg í október

Kökugleði Evu væntanleg í október

Sjónvarpskokkurinn geðþekki, Eva Laufey Kjaran Hermannsdóttir, gefur út sína aðra matreiðslubók hjá Sölku í vetur. Í henni má finna yfir 80 uppskriftir að gúmmelaði og meðal kafla eru bollakökur, súkkulaðikökur, tilefniskökur og "a piece of pie". Þessi fallega bók kemur ekki til með að svíkja sælkera og gefur frábærar hugmyndir hvort sem er fyrir sunnudagskaffið, barnaafmælið eða brúðkaupið! Bókina prýða ljósmyndir eftir Karl Petersson.

Kökugleði Evu kemur út í október en áhugasamir geta nælt sér í eintak í forsölu, og fengið bókina í hendur fyrstir allra, hér: https://www.salka.is/products/kokugledi-evu
20. september 2016 eftir Anna Lea Friðriksdóttir