Skemmtilegar bækur fyrir skemmtilegt fólk
Nýtt hlaðvarp um sous vide

Nýtt hlaðvarp um sous vide

Stóra bókin um sous vide hefur slegið í gegn sem og eldunaraðferðin sjálf. Í Sölkuvarpinu fjallar Helga Arnardóttir um eldunaraðferðina og hversu auðvelt það er í raun og veru að elda með sous vide. Einnig fá hlustendur góðar hugmyndir að því hvaða réttir klikka aldrei með sous vide.

Viðmælendur Helgu eru Viktor Örn Andrésson, einn fremsti matreiðslumaður landsins og brons verðlaunahafi í virtustu matreiðslukeppni heims, Bocuse d'Or og Elísabet Árnadóttir, áhugamanneskja um sous vide en hún er komin á sitt annað sous vide tæki og er búin að fullkomna cremé brulée.

Umsjón og handrit: Helga Arnardóttir

Lesið nánar hér um Stóru bókina um sous vide.

Metsölubókin Stóra bókin um sous vide loksins fáanleg aftur

Metsölubókin Stóra bókin um sous vide loksins fáanleg aftur

Stóra bókin um sous vide seldist eins og heitar lummur fyrir jólin og seldist upp vel fyrir jól. Þeir sem misstu af eintaki geta nú fagnað því bókin er fáanleg á ný eftir að hafa verið endurprentuð.

Sous vide tæki var jólagjöf síðustu jóla og Stóra bókin um sous vide er skyldueign fyrir þá sem elda með sous vide tækninni. Í bókinni eru fjölbreyttar uppskriftir við allra hæfi, allt frá safaríkum steikum til crème brûlée á heimsmælikvarða og fullkomna fiskinum að gómsætu grænmeti og ávöxtum. Stóra bókin um sous vide er fyrir þá sem brenna af áhuga fyrir góðum mat. Nú geta allir orðið meistarakokkar í eldhúsinu heima með lítilli fyrirhöfn.

5. mars 2018 eftir Dögg Hjaltalín