Skemmtilegar bækur fyrir skemmtilegt fólk
Bók sem fagnar fjölbreytileikanum!

Bók sem fagnar fjölbreytileikanum!

Barnabókin Vertu þú! eftir Ingileifu Friðriksdóttur og Maríu Rut Kristinsdóttur er komin út. Í bókinni eru sagðar litríkar sögur af fjölbreytileikanum. Sögurnar skapa frábæran umræðugrundvöll um rétt okkar til að vera eins og við viljum vera og þeim er ætlað að auka víðsýni og hvetja til fordómaleysis. Sögur bókarinnar byggja margar á raunverulegu fólki og fjölskyldum. 


„Eftir að hafa ítrekað rekið okkur á það að barnabækur gerðu ekki ráð fyrir okkar fjölskylduformi ákváðum við að okkur langaði að bæta úr því,“ segir Ingileif.

21. október 2020 eftir Anna Lea Friðriksdóttir
Ný barnabók Svefnfiðrildin fjallar um mikilvægi svefns og hvíldar

Ný barnabók Svefnfiðrildin fjallar um mikilvægi svefns og hvíldar

Bókin Svefnfiðrildin er komin út hjá Sölku. Höfundur bókarinnar er Erla Björnsdóttir. Hún er sálfræðingur og doktor í líf- og læknavísindum og hefur sérhæft sig í rannsóknum á svefni og meðferðum gegn svefnleysi. Erlu fannst vanta efni fyrir börn um mikilvægi svefns og hvíldar og er Svefnfiðrildunum ætlað að svara þeirri þörf.
29. september 2020 eftir Dögg Hjaltalín
Krakkajóga - ný bók með einföldum jógastöðum fyrir hressa krakka

Krakkajóga - ný bók með einföldum jógastöðum fyrir hressa krakka

Krakkajóga kennir börnum á öllum aldri tuttugu mismunandi jógastöður skref fyrir skref og gerir þann forna lærdóm sem finna má í jógafræðunum skemmtilegan og auðveldan.
14. október 2019 eftir Dögg Hjaltalín
Uppfinningastelpa með bein í nefinu

Uppfinningastelpa með bein í nefinu

Lukka er komin í sumarfrí og ætlar að nýta tímann til að koma hugmyndavélinni sinni í gang. Hún er nefnilega uppfinningamaður. Eða réttara sagt, uppfinningastelpa. Fyrirætlanir hennar fara þó út um þúfur þegar hún og Jónsi bróðir hennar þurfa enn einu sinni að fara með foreldrum sínum í vinnuferð út á land. Það er þó ekki allt sem sýnist í rólega bænum Smáadal. Mörg hundruð kindur hafa horfið sporlaust í skjóli nætur og óvæntir atburðir eiga eftir að gera þetta sumarfrí vægast sagt eftirminnilegt.

Lukka og hugmyndavélin er fjörug og ríkulega myndskreytt spennusaga þar sem kindur, kexverksmiðja, veiðimaður og ótrúlegir kraftar ímyndunaraflsins koma meðal annars við sögu.

Lukka og hugmyndavélin er önnur bók Evu Rúnar Þorgeirsdóttur en hún hefur áður gefið út barnabókina Auður og gamla tréð. Eva Rún er útskrifaðist sem verkefnastjóri frá Kaospilot háskólanum í Árósum árið 2006 og hefur fengist við ýmis konar viðburðastjórnun og verkefni sem tengjast menningu og listum síðan þá. Meðfram skrifum starfar Eva sem jógakennari og hefur kennt fjölbreyttum hópi fólks jóga síðastliðin sjö ár, en hefur þó mest fengist við að kenna börnum á aldrinum 5-10 ára jóga, slökun og hugleiðslu.

Myndirnar í bókinni eru eftir Loga Jes Kristjánsson. Logi starfar sem lögreglumaður hjá Ríkislögreglustjóra en útskrifaðist frá Arizona State Univeristy í grafískri hönnun og hefur fengist við að teikna frá unga aldri. Hann hefur áður teiknað myndir í barnabókina Lilli og leitin að Fáfni.