Skemmtilegar bækur fyrir skemmtilegt fólk
Fréttir
Opnunartími um jólin
Kæru viðskiptavinir! Við lengjum opnunartímann hjá okkur í aðdraganda jólanna. Það ættu allir að geta kíkt í notalega jólabókastemningu á Hverfisgötu. Við tökum vel á móti ykkur, pökkum inn bókum og að sjálfsögðu er bókabarinn opinn!
Sögustund með Árna Bald
Jólin koma snemma í ár! Verið hjartanlega velkomin á skemmtilegustu sögustund ársins í bókabúð Sölku þriðjudaginn 17. desember kl. 20. Árni Baldursson mætir með rauðvínsglas í hendi og segir sínar víðfrægu veiðisögur í tilefni af útgáfu bókarinnar Í veiði með Árna Bald. Barinn verður opinn og vínkynning á staðnum. Bókin að sjálfsögðu á tilboði og Árni áritar!
Jólafögnuður í Sölku
Hó hó hó! Verið hjartanlega velkomin á jólafögnuð í bókabúð Sölku við Hverfisgötu laugardaginn 7. desember kl. 14. Við ætlum að fagna því að loks er bókin Jólasveinarnir eftir Iðunni Steinsdóttur fáanleg á nýjan leik en hún er fyrir löngu orðin sígild og ómissandi í jólahaldi margra. Heyrst hefur að einn jólasveinanna ætli að mæta fyrr til byggða af þessu tilefni og skemmta yngstu kynslóðinni. Boðið verður upp á jólakræsingar og dúndurtilboð verða á góðum bókum.
Við hlökkum til að eiga með ykkur notalega stund!
Bókabarsvar með Kamillu og Ragnari
Verið hjartanlega velkomin á bókapöbbkviss í bókabúð Sölku miðvikudaginn 4. desember kl. 18! Höfundar spurninga og spyrlar eru rithöfundarnir Kamilla Einarsdóttir og Ragnar Jónasson og er óhætt að segja að eftirvæntingin er mikil! Tveir og tveir saman í liði, svakaleg tilboð á bókabarnum og bjórspurningin á sínum stað.
Hlökkum til að sjá ykkur!
Útgáfuhóf - Hvíti ásinn
Útgáfuhóf - Í veiði með Árna Bald
Útgáfuhóf - Fræ
Bókabarsvar - Berlín, Bowie&Iggy, köld stríð og heit
Verið velkomin á pöbbkviss í bókabúð Sölku miðvikudaginn 20. nóvember kl. 20! Spyrill og höfundur spurninga er Valur Gunnarsson og er þemað í takt við nýútgefna bók hans, Berlínarbjarmar - Langamma, David Bowie og ég. Spurt um allt frá heimsstyrjöldum til rokks og róls. Bókabarinn að sjálfsögðu opinn og allir drykkir á þúsund!
Tveir og tveir saman í liði, verðlaun fyrir sigurvegara og bjórspurningin á sínum stað. Sjáumst!
Salka á bókahátíð í Hörpu
